فِي قُلُوبِهِمْ مَرَضٌ فَزَادَهُمُ اللَّهُ مَرَضًا ۖ وَلَهُمْ عَذَابٌ أَلِيمٌ بِمَا كَانُوا يَكْذِبُونَ
അവരുടെ ഹൃദയങ്ങളില്‍ ഒരു രോഗമുണ്ട്, അപ്പോള്‍ അല്ലാഹു അവരുടെ രോഗത്തെ വര്‍ധിപ്പിച്ചിരിക്കുന്നു; അവര്‍ കള്ളം പറഞ്ഞുകൊണ്ടിരിക്കുന്നതിനാല്‍ അവര്‍ക്ക് വേദനാജനകമായ ശിക്ഷയുമുണ്ട്.
63: 1 ല്‍, കപടവിശ്വാസികള്‍ നിന്‍റെയടുത്തുവന്നാല്‍ നിശ്ചയം താങ്കള്‍ അല്ലാഹുവിന്‍റെ പ്രവാചകനാണെന്ന് ഞങ്ങള്‍ സാക്ഷ്യം വഹിക്കുന്നു എന്ന് പറയുന്നതാണ്, നി ശ്ചയം നീ അവന്‍റെ പ്രവാചകനാണെന്ന് അല്ലാഹുവിനറിയാം, നിശ്ചയം കപടവിശ്വാ സികള്‍ കള്ളംപറയുന്നവര്‍ തന്നെയാണെന്ന് അല്ലാഹു സാക്ഷ്യം വഹിക്കുകയും ചെയ്യുന്നു എന്ന് പറഞ്ഞിട്ടുണ്ട്. 9: 107 അവസാനിക്കുന്നതും 'നിശ്ചയം കപടവിശ്വാസികള്‍ കള്ളം പറയുന്നവര്‍ തന്നെയാണ്' എന്ന് പറഞ്ഞുകൊണ്ടാണ്. 9: 42 അവസാ നിക്കുന്നത് കപടവിശ്വാസികള്‍ നുണ പറയുന്നവര്‍ തന്നെയാണ് എന്ന് അല്ലാഹുവിന് അറിയാം എന്ന് പറഞ്ഞുകൊണ്ടാണ്. ഇത്തരം കാഫിറുകള്‍ ജനങ്ങളോട്: നിങ്ങള്‍ ഞങ്ങ ളുടെ മാര്‍ഗം പിന്‍പറ്റുക, നിങ്ങളുടെ പാപഭാരങ്ങളെല്ലാം ഞങ്ങള്‍ വഹിച്ചുകൊള്ളാം എന്ന് പറയുന്നതാണ്, എന്നാല്‍ അവര്‍ ജനങ്ങളുടെ പാപഭാരങ്ങളില്‍ നിന്ന് ഒന്നും ത ന്നെ വഹിക്കുകയില്ല, നിശ്ചയം അവര്‍ കള്ളം പറയുന്നവര്‍ തന്നെയാണ്. അല്ല; അവരുടെ പാപഭാരത്തോടൊപ്പം അവര്‍ വഴിപിഴപ്പിച്ച ജനങ്ങളുടെ പാപഭാരം കൂടി വഹിക്കുകയും അവര്‍ കള്ളം കെട്ടിച്ചമച്ചതിനെക്കുറിച്ച് ചോദ്യം ചെയ്യപ്പെടുകയും ചെയ്യുന്നതാണ് എന്ന് 29: 12-13 ലും, അല്ലാഹു അവതരിപ്പിച്ച അദ്ദിക്ര്‍ പൂര്‍വ്വികരുടെ പഴമ്പുരാണങ്ങളാണെന്ന് പറഞ്ഞ് ജനങ്ങളെ അതില്‍നിന്ന് തടയുന്ന കപടവിശ്വാസികള്‍ അ ന്ത്യനാളില്‍ അവരുടെ പാപഭാരവും അവര്‍ വഴിപിഴപ്പിച്ചവരുടെ പാപഭാരത്തില്‍ നിന്ന് ഒരു ഭാഗവും കൂടി വഹിക്കേണ്ടിവരുമെന്ന് 16: 24-25 ലും പറഞ്ഞിട്ടുണ്ട്.
പ്രപഞ്ചനാഥന്‍ പ്രവാചകനിലൂടെ പഠിപ്പിച്ചു: സംസാരിച്ചാല്‍ കള്ളം പറയുക, വി ശ്വസിച്ചാല്‍ വഞ്ചിക്കുക, കരാര്‍ ചെയ്താല്‍ ലംഘിക്കുക തുടങ്ങിയവ കപടവിശ്വാസിയു ടെ പ്രത്യക്ഷമായ ലക്ഷണങ്ങളാണ്. ആശയമില്ലാതെ ഗ്രന്ഥത്തിന്‍റെ ശരീരം തിന്നുക വ ഴി വില്ലില്‍ നിന്നും അമ്പ് തെറിച്ചുപോകുന്ന വേഗത്തില്‍ ദീനില്‍ നിന്നും തെറിച്ചുപോകുമെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചതിന് വിരുദ്ധമായി ആശയമില്ലാതെയും ഗ്രന്ഥം പാരായണം ചെയ്ത് പുണ്യം നേടാമെന്ന് പറഞ്ഞ് സാധാരണ ജനങ്ങളെ വഞ്ചനയിലകപ്പെടുത്തി ബോറന്മാരുടെ വീടായ നരകക്കുണ്ഠത്തില്‍ വേവിക്കപ്പെടാന്‍ അര്‍ഹരാക്കുകയാണ് അവര്‍. ജീവിതലക്ഷ്യം നഷ്ടപ്പെട്ട അവരോട്: നിങ്ങള്‍ കുറച്ച് കാലം സുഖിച്ചുകൊള്ളുക, നിശ്ചയം നിങ്ങളുടെ മടക്കം നരകത്തിലേക്കാണ് എന്ന് പറ യാനാണ് 14: 28-30 ലൂടെ വിശ്വാസികള്‍ കല്‍പിക്കപ്പെട്ടിരിക്കുന്നത്. അവരുടെ പണ്ഡിതന്മാര്‍ ആകാശത്തിന് താഴെയുള്ള ജീവജാലങ്ങളില്‍ വെച്ച് ഏറ്റവും തിന്മയേറിയവരായിരി ക്കും എന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. ഹൃദയത്തില്‍ കാപട്യമാകുന്ന രോഗമുള്ള അവരെ 1: 7 ല്‍ കോപിക്കപ്പെട്ടവര്‍ എന്നാണ് പറഞ്ഞിട്ടുള്ളതെങ്കില്‍ 22: 53; 33: 60; 74: 31 സൂക്തങ്ങളില്‍ ഹൃദയങ്ങളില്‍ സംശയമാകുന്ന രോഗമുള്ളവര്‍ എന്ന് പറഞ്ഞിട്ടുള്ളത് അവരെ പിന്‍പറ്റുന്ന 1: 7 ല്‍ പറഞ്ഞ വഴിപിഴച്ചുപോയ അനു യായികളെയാണ്. ആത്മാവിന്‍റെ രോഗമായ കാപട്യവും സംശയവും നീക്കിക്കളയാനും വിശ്വാസം വര്‍ദ്ധിപ്പിക്കുവാനും ആത്മാവിനെ ശുദ്ധീകരിക്കാനുമുള്ള ഏക ഉപകരണം അദ്ദിക്ര്‍ ആണ്. കപടവിശ്വാസികളും അവരുടെ അനുയായികളായ മുശ്രിക്കുകളും മാലിന്യമാണെന്നും അവര്‍ക്ക് അദ്ദിക്ര്‍ മാലിന്യമല്ലാതെ വര്‍ദ്ധിപ്പിക്കുകയില്ല എന്നും 9: 28, 95, 125 എന്നീ സൂക്തങ്ങളില്‍ പറഞ്ഞിട്ടുണ്ട്. 10: 57-58; 33: 61 വിശദീകരണം നോക്കുക.